Vol. 4, Issue 1, Part F (2018)

Abstract
ڈرامہ انار کلی امتیاز علی تاج کا شاہکار ہے اوریہ سب سے زیادہ مشہور ڈراموں میں سے ایک ہے جس میں مغل شہزادہ سلیم اورکنیز انار کلی کی محبت کی داستان پیش کی گئی ہے ، ڈرامے میں کشمکش اورتجسس کی پیشکش لاجواب ہے ڈرامے کے اہم کرداروں میں جلاالدین محمد اکبر ، شہزادہ سلیم ، انارکلی اوردل آرام ہیں، ڈرامے کے کرداروں کی تراش خراش اور مکالموں کی سطح پر تاج بے حد کامیاب ہیں ،کسی بھی ڈرامے کی کامیابی کے لیے پہلی شرط ڈرامے میں تصادم وکشمکش کی فضاء قائم کرنا اورانہیں ڈرامے کےانجام تک قائم رکھنا ضروری ہوتاہے اوریہ خوبی امتیازعلی تاج کےیہاں بدرجہ اتم موجود ہے ، نظریاتی تصادم ، جذباتی تصادم ، نفسیاتی تصادم ، اورلشکری تصادم یعنی اس ڈرامے کو بااثر اوردلچسپ بنانے کی تمام تر کوششیں اس ڈرامے میں کی گئی ہیں اورتمام تر متصادم حالات کی باگ ڈور، تاج اپنے اختیار میں رکھتے ہیں اوریہی خصوصیات امتیاز علی تاج کو ممتاز وممیز کرتی ہیں ۔